事源我就要續約，咁1010個SALES就打黎話有機有PLAN比我，咁反正我都要續約，要部IPHONE6 拎去放左去賺少少都好丫～
係電話對話當中，我已經問清楚個SALES會唔會開機，佢好SURE咁同我講，叫我放心，佢地會unbreak部機之後會包番，包到同新機冇開一樣。好啦，成件事我信左。
到COURIER送到機黎，個COURIER就叫我簽呢樣簽個樣，我簽晒先叫我開個包裹（錯晒～）
開左見到個電話係冇包既，真心燥左個一刻，我即刻同個COURIER講我唔要，佢就好不負責任咁講唔關佢事，簽晒野就冇得退，之後佢走左。
我當然即刻打番比個SALES，但冇人聽～咁我打上去CS，個小姐好有禮貌咁同我講會叫個SALES即日內打番比我，當然等左成日都CALLBACK我，我放工再打上CS，又帶另一位好有禮貌既CS，又叫我將成件講一次比佢知，佢好好，佢叫我放心，會幫我MARK低唔ACTIVE我份CONTRACT，但都要等SALES覆我。最後跟我既SALES冇再出現過，由另一位SALES follow, 佢堅稱佢地SALES唔會咁應承容人，佢地公司唔會退比我。
係我好嬲之下，我決定去左1010既FB寫左一段野，最好又位好有禮貌既CS姐姐打黎，解釋又解釋話會再有一人打比我，其實咁樣電話back n forth 都一個星期。
最後，有一位MANAGER打比我，話公司CHECK左我同個SALES既電話錄音，真係SALES錯。所以決定退比我。（鬆左～）
我將呢件事同幾位朋友講過，佢地都不約而同親身或有朋友發生相似事情，你唔CHUR佢，佢地就不了了知～講真，講法律，簽contract 都會有冷靜期～ 買野都有7日退貨～1010同我講佢地冇，我係唔會信亦都唔會理～我預左佢地唔FOLLOW我就會攪到去消費者委員會～
所以各位消費者，唔好佢地講就要信，要力爭呀～
P.s 最後1010係搵人上黎收番部電話同cancel 左張iphone plan contract.
真心，要讚1010 既 CS，真係好有禮貌好有耐心
