蜜糖參巴雞翼

講起參巴醬，當然就會諗燒魔鬼魚！不過香港要買到魔鬼魚就有啲難，但我又好掛住個味，所以就用左參巴醬整左我最愛嘅雞翼囉！

食材準備:
雞翼
參巴醬
蜜糖漿 (因為參巴醬到幾辣)

新鮮雞翼買番黎沖洗乾淨吸乾水份，加入豉油糖或只落雞粉塗上雞翼十至十五分鐘…
再厚厚塗上參巴醬，包好保鮮紙放入雪櫃等佢入味！

好，開火落少少油，將兩邊煎到金黄，收火拿起雞翼，將蜜糖放入鑊，熱後放入雞翼，轉兩圈，攪掂！(本人就鐘意煎到有啲燶夠脆仆仆)

其實呢味菜，可以用焗爐完成的！